Johanna Goodman ilustratzaile eta artista estatubatuarra da, eta bere lan bikain, dotore eta adimentsua collagearen teknikan oinarritzen da batez ere, nahiz eta urteetan zehar olioz eta tintaz margotzen aritu zen.

Johannaren collage bilduma nahiko berria da eta arte, diseinu, argazkigintza eta arkitektura elementuak uztartzen ditu. Collage horiek «Irudimenezko izaki» batzuen parte dira, eta gizabanakoak herri-historian eta kulturan duen zeregina aztertzea dute helburu.

Collageak egiten dituen bitartean, Johannak ez du sortze-prozesua gehiegi planifikatzen, baizik eta materialez modu intuitiboan gozatzen du, gainera batzuetan bere nahasmenaren ondorioz, emaitza ezberdin eta harrigarriak ekartzen dizkio. Normalean, abiapuntutzat erabilitako argazkiak propioak edo diseinu-aldizkarietakoak izaten dira.

«Irudimenezko izakiak» sortzeko gaia askotarikoa da, politikatik hasi eta naturarainoko ibilbideak egiten ditu. Ideologia feminista argi baten ondorioz, Goodmanen collage gehienak emakumeak dira. Artistaren arabera, bere lanak bere haurtzaroan jolasteko erabiltzen zituen paperezko panpina moduko batzuk dira. Bere lanek emakumeen moda ereduari kritika egiten diote, non luze eta babesgabe irudikatzen diren. Johannak emakume erraldoi, izugarri eta ahaldunduak ordezkatzen ditu.